Bananen (Gattung)

Dä Artikel befasst sich mit dr Pflanzegattig vo de Banane (Musa); zu de ässbare Frücht vo dere Gattig lueg under Desserbanaane und Chochbanaane.

Banaane
Desserbanaane (Musa × paradisiaca) 'Cavendish'
Systematik
Chlass: Bedecktsamigi (Magnoliopsida) Monokotyledone Commelinide Ordnig: Imberartigi (Zingiberales) Familie: Banaanegwäggs (Musaceae) Gattig: Banaane
Wüsseschaftlige Name
Musa
L.

D Banaane (Musa) si e Pflanzegattig in dr Familie vo de Banaanegwäggs (Musaceae) innerhalb vo de Äikäimblettrige Pflanze (Monokotyledone). D Gattig het öbbe 70 Arte, wo alli bis uf äi Art in Tansania im dropische bis subtropische Asie bis zum westlige Pazifikruum vorchömme.

E baar Arte und Hybride häi ässbari Frücht. Vo dene wärde d Desserbanaane und d Chochbanaane (Musa × paradisiaca) für d Naarigsmiddelbrodukzion aabaut.